Oylik Arxiv: Декабрь 2020

БИЛИБ ҚЎЙГАН ЯХШИ

Мажбурий ижро бюроси ва ҳудудий электр тармоқлари корхонасининг вакили гувоҳномасини кўрсатган тақдирда, хонадондаги электр энергиясини ҳисобга олиш асбобларини соат 8:00 дан 20:00 гача ҳеч қандай қаршиликларсиз кўриш ҳуқуқига эгадир.

Бюро ходимини табиий газ истеъмолини ҳисобга олиш приборларини кўздан кечиришга йўл қўймаслик ҳолати далолатнома билан расмийлаштирилади.

Истеъмолчи мазкур далолатнома билан танишиши лозим.  Истеъмолчи далолатномани имзолашни рад этган тақдирда, далолатномада бу қайд этилади.

Рад этиш ҳолати икки гувоҳ ёки маҳалла йиғини вакили томонидан тасдиқланиши керак. Истеъмолчи далолатномани имзолашни рад этиш сабабини баён қилиш ҳуқуқига эга ва бу далолатномага қайд этилиши шарт.

8-декабрь Ўзбекистон Республикаси Конституцияси куни
КОРРУПЦИЯ – тараққиётга таҳдид

«Жиззах ҳудудий электр тармоқлари корхонаси» АЖ томонидан жорий йилнинг 9-декабрь куни «8-декабрь Ўзбекистон Республикаси Конституцияси куни» ҳамда «Коррупция − тараққиётга таҳдид» мавзуларида Дўстлик туман Адлия бўлими билан ҳамкорликда ўқув-семинари, давра суҳбати ўтказилди. Семинарда Дўстлик туман Адлия бўлими бошлиғи Мусахон Асатуллаев ва ходими Рустамов Мирзамуродлар маъруза қилишди.

Ушбу семинар Дўстлик тумани 1-умумий ўрта таълим мактаби мажлислар залида Мирзачўл НС, Мирзачўл, Арнасой ва Дўстлик ТЭТКларининг бошлиқлари ҳамда масъул ходимлари иштирокида мазмунли тарзда ўтди.

8-декабрь Ўзбекистон Республикаси Конституцияси қабул қилинган кун.

Конституция – биз учун нафақат муҳим ҳаётий қўлланма, балки ғурур-ифтихор, керак бўлса, шу заминда истиқомат қилаётган, миллати, тили, динидан қатъи назар, барча инсонлар учун мустаҳкам бир ҳимоя.

Конституция – нафақат бугунги куннинг қомуси, балки у эртанги кунимиз, қураётган жамиятимиз истиқболини аниқлаб берувчи ҳужжат, фарзандларимиз йўлини ёритиб тургувчи маёқдир.

Шундай экан, жамиятимиз ҳаётининг мезони бўлган Конституцияни чуқур ва ҳар томонлама ўрганишимиз, унинг маъносига етиб бориб, амалий ҳаётимизнинг доимий қўлланмасига айлантиришимиз даркор.

Коррупция − тараққиётга таҳдид.

«Биз коррупциянинг оқибатлари билан курашишдан унинг барвақт олдини олишга ўтишимиз керак. Ушбу вазифалар ижросини тизимли ташкил этиш мақсадида парламент ва Президентга ҳисоб берадиган, коррупцияга қарши курашишга масъул бўладиган алоҳида орган ташкил этишни таклиф этсам, сизлар нима дейсизлар?!» — деган Давлатимиз раҳбари Шавкат Мирзиёев 2020 йил 24- январдаги парламентга Мурожаатномасида.

Ўзбекистонда янги ташкил қилинган Коррупцияга қарши курашиш агентлигига жорий йилнинг 15 июль куни директор тайинланди. Сўнгги вақтларда «Юксалиш» умуммиллий ҳаракати раиси сифатида фаолият кўрсатиб келган Акмал Бурҳонов президент қарори билан бу лавозимни эгаллади.

Коррупция – муаммони ҳал этишнинг энг яхши йўли, мақсадга эришишнинг тезкор воситаси. Аксарият ҳолларда, коррупция – бу одамлар учун ўз жамиятларида ривожланишнинг энг тежамкор усули.

«Коррупциянинг энг катта душмани – очиқлик ва шаффофлик».

 

«Жиззах ҳудудий электр тармоқлари корхонаси» АЖ Матбуот хизмати

КУЗ-ҚИШ МАВСУМИГА ТАЙЁРГАРЛИК ИШЛАРИ БЎЙИЧА ЎТКАЗИЛГАН

ДАВРА СУҲБАТИ

«Жиззах ҳудудий электр тармоқлари корхонаси» АЖ томонидан Ўзбекистон Республикаси Президентининг 2016 йил 23 ноябрдаги ПҚ-2661-сонли «2017-2021 йилларда паст кучланишли тармоқларни янгилаш ва модернизация қилиш дастури тўғрисида»ги қарори ҳамда «Обод қишлоқ» ва «Обод махалла» Давлат дастурлари ижроси юзасидан белгиланган топшириқлар ижросини таъминлаш, куз-қиш мавсумига тайёргарлик ишлари ҳамда Жиззах вилояти бўйича электр энергиясини ҳисобга олиш ва назорат қилишнинг автоматлаштирилган тизимини (ЭҲНАТ) босқичма-босқич ишга тушириш масалалари бўйича Жиззах вилоят Адлия бошқармаси мажлислар залида жорий йилнинг 10-декабрь куни давра суҳбати ўтказилди.

Ушбу давра суҳбатида Адлия бошқармаси ходимлари иштирок этишдилар.

«Жиззах ҳудудий электр тармоқлари корхонаси» АЖ Матбуот хизмати

Жорий йилнинг 4-декабрь куни ижтимоий тармоқда қуйидаги мазмундаги мурожаат эълон қилинган.

“Фориш тумани Порашт қишлоғидаги ҳолат. Трансформаторни қўшсак ҳам, электр қуввати паст. Телевизор кўрсатмаяпти, болалар дарс тайёрлай олмаяпти”.

Ушбу мурожаат Фориш туман электр таъминоти корхонасининг масъул ходимлари ҳамда мутахассислари томонидан ўрганиб чиқилди.

Қуйидагича муносабат билдирамиз.

Фориш тумани, Э.Камолов МФЙнинг Порашт қишлоғи аҳоли истеъмолчилари 35/10 кВли «Фориш» нимстанциясидан чиқувчи 10 кВли бирлашган ҳаво тармоғига уланган 100 кВАли 81-сонли трансформатор пункти орқали 0,4 кВ ҳаво тармоғидан электр энергияси билан таъминланган.

Қишлоқ аҳолиси тарқоқ ҳолда жойлашган экан. Трансформатор пунктидан 2,5 кмгача узоқ масофага чўзилган. 0,4 кВли ҳаво тармоғининг узоқ масофага чўзилиб кетганлигининг ҳисобига электр энергиясини қуввати камайиб кетишига сабаб бўлмоқда.

Бундан ташқари аҳолининг кўпайиши ҳисобига янги қурилаётган хонадонларга ўз ҳисобларидан ностандарт электр узатиш ҳаво тармоқлари қурилган.

Порашт қишлоғида аҳолини узлуксиз электр энергияси билан таъминлаш учун 1 км 10 кВли ҳаво тармоғи қуриш, 1 дона трансформатор пункти ўрнатиш ва 0,4 кВли ҳаво тармоғини тўлиқ реконструкция қилиш зарур.

Фориш тумани, Э.Камолов МФЙнинг Порашт қишлоғи аҳоли истеъмолчиларининг мурожаатидаги муаммолар Ўзбекистон Республикаси Президентининг 2016 йил 23 ноябрдаги ПҚ-2661-сонли «2017-2021 йилларда паст кучланишли тармоқларни янгилаш ва модернизация қилиш дастури тўғрисида»ги қарорига асосан келгуси йилларда босқичма-босқич амалга оширилишини маълум қиламиз.

Юзага келган ноқулайликлар учун Фориш тумани, Порашт қишлоғи аҳолисидан узр сўраймиз.

«Жиззах ҳудудий электр тармоқлари корхонаси» АЖ Матбуот хизмати

Мамлакатимиз Конституцияси 1992 йил 8 декабр куни қабул қилинган. Kun.uz фурсатдан фойдаланиб, айрим конституциявий ҳуқуқларингизни яна бир бор эслатиб ўтишни лозим топди.

Сизнинг конституциявий ҳуқуқларингиздан айримлари:

🔷 ҳар ким эркинлик ва шахсий дахлсизлик ҳуқуқига эга. Ҳеч ким қонунга асосланмаган ҳолда ҳибсга олиниши ёки қамоқда сақланиши мумкин эмас;

🔷 ҳеч ким қийноққа солиниши, зўравонликка, шафқатсиз ёки инсон қадр-қимматини камситувчи бошқа тарздаги тазйиққа дучор этилиши мумкин эмас;

🔷 ҳар ким фикрлаш, сўз ва эътиқод эркинлиги ҳуқуқига эга. Ҳар ким ўзи истаган ахборотни излаш, олиш ва уни тарқатиш ҳуқуқига эга, амалдаги конституциявий тузумга қарши қаратилган ахборот ва қонун билан белгиланган бошқа чеклашлар бундан мустаснодир;

🔷 ҳар бир шахс меҳнат қилиш, эркин касб танлаш, адолатли меҳнат шароитларида ишлаш ва қонунда кўрсатилган тартибда ишсизликдан ҳимояланиш ҳуқуқига эгадир.

«Жиззах ҳудудий электр тармоқлари корхонаси» АЖда жорий йилнинг 7-декабрь куни «Ўзбекистон Республикаси Конституцияси куни» мавзусида Жиззах вилоят Адлия бошқармаси билан ҳамкорликда ўқув-семинари ўтказилди. Семинарга адлия ходими Азиза Хатамова ташриф буюрди.

Ушбу ўтказилган ўқув-семинарига 34 нафар ходимлар иштирок этишди.

8 декабрь Ўзбекистон Республикаси Конституцияси куни

Асосий Қонунимизда халқ суверенитети ҳам қайд этилган. Хусусан, унда «демократия» ва «демократик» сўзлари 7, «халқ» сўзи эса 24 маротаба қўлланилган. Яна бир муҳим ҳамда халқаро экспертлар томонидан алоҳида эътирофини топган хусусият, бу — Конституциянинг «Ўзбекистон халқи» деб бошланишидир. Бундай жумлаларни бошқа бирон-бир ҳужжатда учратмаймиз.

«Қонун устувор юртда адолат хукм суради!»

Ўзбекистон Республикаси Конституцияси муқаддима, 6- бўлим 26- боб 128 моддадан иборат.

«Жиззах ҳудудий электр тармоқлари корхонаси» АЖ Матбуот хизмати

1 2