«Jizzax Hududiy Elektr Tarmoqlari Korhonasi» AJ

МУРОЖААТГА МУНОСАБАТ

МАҚСАД – ХАЛҚ РОЗИЛИГИ

Шу кунларда ижтимоий тармоқларда «Sh.Rashidov tumani Ziyokor QFY Nurchilar ko’chasida bir kunda 100 marta elektrni o’chirib odamni ustidan kulishyapti» шаклидаги танқидий материал тарқалди.

Ушбу мурожаат «Жиззах ҳудудий электр тармоқлари корхонаси» АЖнинг масъул ходимлари томонидан ўрганиб чиқилди.

Қуйидагича муносабат билдирамиз.

Ш.Рашидов тумани, «Зиёкор» ҚФЙ, Нурчилар кўчаси кўп сонли аҳоли истеъмолчилари учун мўлжалланган 10 кВли «Жиззахлик-2» ҳаво тармоғи орқали электр энергияси билан таъминланган. Электр энергетика тармоғида қувват танқислиги содир бўлган вақтларда Тизим операторлари томонидан берилган топшириқларни бажариш мақсадида 10 кВли ҳаво тармоқларида ҳудудлар бўйича навбатма навбат чеклашлар киритилади.

Кейинги вақтларда «Жиззахлик-2» ҳаво тармоғида электр энергия истеъмоли кескин ошиб кетиши (электр энергиясидан хонадонларни иситиш учун фойдаланиши) ҳамда об-ҳавонинг ноқулай келганлиги сабабли авариялар содир бўлиб, уларни бартараф этиш ёки олдини олиш учун тармоқ қисқа вақтларга ўчирилиши талаб этилади.

Бундай вақтларда аварияларни олдини олиш мақсадида тармоқларни зудлик билан ўчириш талаб этганлиги учун,  истеъмолчиларни огоҳлантириш имконсиз ҳисобланада. Авариядан бошқа вақтларда режали ишлар бажарилган тақдирда истеъмолчилар огоҳлантирилади.

Жумладан, ушбу тармоқда жорий йилнинг 27 октябрь санасидан 13 ноябрь санасигача қувват танқислиги сабабли 7 марта, об-ҳавонинг ноқулай келганлиги ёки авария сабабли 5 марта  маълум вақтгача ўчиш бўлган.

Ушбу тармоқ истеъмолчилари қувват танқислиги ва электр тармоқларидаги авариялардан бошқа вақтларда электр энергияси билан узлуксиз таъминланиши назоратга олинганини маълум қиламиз.

Келтирилган ноқулайликлар учун узр сўраймиз.

«Жиззах ҳудудий электр тармоқлари корхонаси» АЖ Матбуот хизмати

Зомин тумани, Даштабод шаҳарчаси, Нурафшон МФЙ ҳудудида яшовчи аҳоли хонадонлари шоду-ҳуррам.

Ўзбекистон Республикаси Президентининг 2016 йил 23 ноябрдаги ПҚ-2661-сонли «2017-2021 йилларда паст кучланишли тармоқларни янгилаш ва модернизация қилиш дастури тўғрисида»ги қарорига асосан Зомин тумани, Даштабод шаҳарчаси, Нурафшон МФЙ ҳудудидаги 60 та аҳоли хонадонларини сифатли электр энергияси билан таъминлаш мақсадида 53 дона темир-бетон таянчлар ўрнатилди. 0,4 км 10 кВ, 1,8 км 0,4 кВли ҳаво тармоқларини қуриш, замонавий СИП русумли изоляцион кабелни тортиш ишлари якунига етказилди. Қуввати 160 кВА бўлган трансформатор пункти ўрнатилиб, янги ҳаво тармоғидан аҳолига бугун кучланиш берилди.

Туман электр таъминоти корхонаси томонидан олиб борилаётган бундай амалий ишлари фақатгина маҳалла ва қишлоқлар кўркамлигига эмас, у ерда яшаётган аҳолининг ҳаётга муҳаббат ва ишончни янада ошишини таъминлашга йўналтирилгани билан аҳамиятлидир.

«Жиззах ҳудудий электр тармоқлари корхонаси» АЖ Матбуот хизмати

 

 

МУРОЖААТГА МУНОСАБАТ

МАҚСАД – ХАЛҚ РОЗИЛИГИ

Жорий йилнинг ноябрь ойида ижтимоий тармоқда қуйидаги мазмундаги мурожаат эълон қилинган.

ФОРИШ. “Жиззах вилояти Фориш тумани Порашт қишлоғидан мурожаат этяпмиз. Енгил шамол турса ҳам электр энергиямиз ўчиб қолади. Туман, вилоят электр корхонасига қўнғироқ қилсак, трубкани ҳеч ким кўтармайди. Монтёр тайинлашда ҳам таниш-билишчилик қилинган. Монтёрнинг боласи деб ўқимаган йигитни қўйишган. Аҳоли электр энергияси учун ойма-ой тўлов қиляпти-ку. Электрни мунтазам таъминлаб беришсин”.

Ушбу мурожаат «Жиззах ҳудудий электр тармоқлари корхонаси» АЖнинг масъул ходимлари ҳамда мутахассислари томонидан ўрганиб чиқилди.

Қуйидагича муносабат билдирамиз.

Ҳақиқатдан ҳам шамол оқибатида электр энергиясида узилишлар бўлиб турмоқда. 35/10 кВли «Фориш» нимстанциясида куз-қиш мавсумига тайёргарлик ишлари олиб борилиб, камчиликлар бартараф этилди.

Фориш ТЭТКга истеъмолчилар томонидан телефон орқали қилинаётган ҳар бир мурожаатни ўз вақтида қабул қилиб олиш ва рўйхатга олиш китобига қайд қилиб бориш, носозликларни бартараф этиш учун раҳбар ва масъулларга тушунтиришлар берилди ҳамда огоҳлантирилди.

Аманқулов Зохид Бабамуродович 1980 йил 8- август куни Фориш туманида туғилган. Маълумоти ўрта-махсус, 2004 йилда Жиззах индустриал техникумини техник-механик мутахассислигини тамомлаган. «Жиззах ҳудудий электр тармоқлари корхонаси» АЖнинг 2007 йил 25- сентябрдаги 347- сонли буйруғига асосан Нимстанциялар хизмати «Фориш» нимстанциясига электромонтёр вазифасига ишга қабул қилинган. Аманқулов Зохид ҳам қўшимча равишда огоҳлантирилди.

Энергетика вазирлигининг мониторинг маълумотларига кўра, 2020 йилда электр энергиясидаги узилишлар сони ва давомийлиги 2019 йилга нисбатан икки баравар камайган.

Электр таъминоти барқарорлигига таъсир қилувчи асосий омиллардан бири – бу мавжуд электр станциялари ва электр тармоқларини модернизация қилишдир. Ушбу йўналишда мунтазам ишлар олиб борилмоқда.

Хусусан, истеъмолнинг энг юқори юклама пайтида, айниқса совуқ мавсумда содир бўладиган электр энергиясидаги узилишларга келсак, эскирган электр станциялари билан боғлиқ ҳолат.

Ҳозирги кунда фойдаланилаётган энергоқурилмаларнинг 50 фоизигача 30-40 йил давомида фаолият кўрсатади. Уларнинг жисмонан ва маънан эскириши ушбу энергоблокларнинг ишдан чиқишига олиб келади, бу эса электр станцияларининг айрим энергоблокларида узилишлар юз беришига олиб келади. Одатда уларни таъмирлаш учун 3-5 соат вақт кетади. Ушбу ҳолатлар қисқа муддатли электр узилишларининг сабаблари ҳисобланади.

Юзага келган ноқулайликлар учун Фориш тумани бўйича истеъмолчилардан узр сўраймиз.

Амалга оширилаётган ишлардан асосий мақсад истеъмолчиларни, қолаверса инсонларнинг электр энергияси билан боғлиқ муаммоларини камайтириш.

«Халқ давлат идораларига эмас, давлат идоралари халқимизга хизмат қилиши керак» — дейди Президентимиз.

Мурожаатлар қандай бўлмасин муаммолигича қолиб кетмаслиги, ўз вақтида ечим топилиб ҳал бўлиши кераклиги, бу эса халқимиз фаровонлигининг асосини ташкил қилишини ҳар биримиз чуқур англаб етмоқдамиз.

«Жиззах ҳудудий электр тармоқлари корхонаси» АЖ Матбуот хизмати

 

МУРОЖААТГА МУНОСАБАТ

Жорий йилнинг ноябрь ойида ижтимоий тармоқларда электр энергияси узилишлари тўғрисида мурожаатлар эълон қилинмоқда.

Жумладан, юртимизда кунларнинг совуб кетиши оқибатида электр энергияси истеъмоли ошиши, хонадонларни иситиш учун электр иситиш ускуналаридан фойдаланиш ҳолатлари ҳам кўпайиб бормоқда. Электр энергияси таъминотига бўлган эҳтиёж сезиларни даражада ошишини ҳаммамиз яхши биламиз…

Электр энергияси узилишларининг сабаблари нимада ва бу йўналишда қандай ишлар қилинмоқда?

Энергетика вазирлигининг мониторинг маълумотларига кўра, 2020 йилда электр энергиясидаги узилишлар сони ва давомийлиги 2019 йилга нисбатан икки баравар камайган.

Электр таъминоти барқарорлигига таъсир қилувчи асосий омиллардан бири – бу мавжуд электр станциялари ва электр тармоқларини модернизация қилишдир. Ушбу йўналишда мунтазам ишлар олиб борилмоқда.

Ўзбекистонда мавжуд электр станцияларининг жорий қуввати мамлакат аҳолиси ва иқтисодиётига, жумладан, куз-қиш даврида электр энергиясига бўлган талабни тўлиқ қондириш имконини беради. Хусусан, истеъмолнинг энг юқори юклама пайтида, айниқса совуқ мавсумда содир бўладиган электр энергиясидаги узилишларга келсак, эскирган электр станциялари билан боғлиқ ҳолат.

Ҳозирги кунда фойдаланилаётган энергоқурилмаларнинг 50 фоизигача 30-40 йил давомида фаолият кўрсатади. Уларнинг жисмонан ва маънан эскириши ушбу энергоблокларнинг ишдан чиқишига олиб келади, бу эса электр станцияларининг айрим энергоблокларида узилишлар юз беришига олиб келади. Одатда уларни таъмирлаш учун 3-5 соат вақт кетади. Ушбу ҳолатлар қисқа муддатли электр узилишларининг сабаблари ҳисобланади.

Шу билан бирга, аварияга қарши автоматиканинг ишлаши орқали тизимда катта аварияларнинг олдини олиш учун бундай узилишлар амалга оширилиши мумкин.

Юзага келган ноқулайликлар учун Жиззах вилояти бўйича истеъмолчилардан узр сўраймиз.

Айни пайтда мамлакатлар электр станцияларининг маънан ва жисмонан эскирган ҳолати билан боғлиқ муаммоларга дуч келинганда Президентимизнинг изчил олиб бораётган минтақавий сиёсати туфайли электр энергетика тизимларининг интеграциялашуви максимал даражада бўлиб, энергия таъминотининг барқарор етказилишига хизмат қилмоқда.

Электр станциялари ва электр тармоқларини модернизация қилиш бўйича ишлар ҳар куни давом эттирилмоқда, электр таъминотидаги узилишлар сони ва давомийлиги бўйича алоҳида мониторинг ўрнатилган, бу эса электр таъминотидаги муаммоли жойларни топишга ва уларни бартараф қилишга имкон беради. Тизимда нафақат модернизация ишлари, балки электр энергиясини ишлаб чиқариш қувватларини ошириш ҳамда ўсиб бораётган мамлакатимиз аҳолиси ва иқтисодий қудратини ҳисобга олган ҳолда энергия истеъмолининг тобора ортиб боришини талаб этадиган қувватларни ошириб бориш устувор вазифалардан ҳисобланади.

 

«Жиззах ҳудудий электр тармоқлари корхонаси» АЖ Матбуот хизмати

Мурожаатга расмий муносабат

Жорий йилнинг октябрь ойида ижтимоий тармоқда қуйидаги мазмундаги мурожаат эълон қилинган.
Xalqni rozi qilsak Olloh bizdan rozi buladi deb Tuman elektra setni ichiga katta qilib yozib quyishgan ekan baxtga qarshi telim uyda qolib ketibdi….
Ушбу мурожаат «Жиззах ҳудудий электр тармоқлари корхонаси» АЖнинг масъул ходими томонидан жойига бориб ўрганиб чиқилди. Истеъмолчи хонадонида электр энергияси бўйича пайдо бўлган муаммо жойида ҳал қилинди. Мурожаатчи томонидан ҳеч қандай эътироз йўқлиги айтиб ўтилган.
Юзага келган ноқулайлик учун хонадон эгаларидан узр сўраймиз.

«Жиззах ҳудудий электр тармоқлари корхонаси» АЖ Матбуот хизмати